کابل پر طالبان کا قبضہ، پاکستان پر اثرات کیا ہونگے۔ احمد طوری

دہشتگرد حملوں 9/11 کے بعد امریکہ اور اتحادیوں نے اُسامہ بن لادن اور دہشتگردوں کے پناہ گاہوں کو ختم کرنے کےلئے  بیس سال پہلے افغانستان پر حملہ کرکے طالبان سے اقتدار چھینی تھی اور اب واپس طالبان کے حوالے کی ہے،یعنی گیم 2001 سے دوبارہ شروع ہوگئی ہے۔

FILE PHOTO: A Taliban fighter holding an M16 assault rifle stands outside the Interior Ministry in Kabul, Afghanistan, August 16, 2021.REUTERS/Stringer/File Photo

 
امریکہ دورے کے بعد اشرف غنی کو استعفی کے لئے کہا گیا مگر انہوں نے اپنی تقریر میں کہا کہ “امریکی سفیر سے کہاکہ””لاس د خلاص وی”” مطلب استعفی نہیں دینا، جائیں، جو کرنا ہے کرلیں”۔
اشرف غنی کی ہٹ دھرمی ایک طرف، ایسے وقت میں جب طالبان ایک دن میں پانچ صوبوں پر قبضہ کررہے تھےحمدواللہ محب اور امراللہ صالح نے پاکستان کے خلاف محاذ کھول دیا۔ اس کی کوئی ضرورت نہیں تھی، مگر افغانستاناور بھارت میں ایک طبقے کو خوش کرنے کے لئے افغانستان سے اس طرح کی آوازیں اُٹھتی رہی ہیں، جس کا نقصانہمیشہ افغانستان کو ہی ہوا ہے۔ اشرف غنی کی حکومت ڈبونے اور افغانستان کو طالبان کے حوالے کرنے کے اسکے علاوہ بھی کئی عوامل ہیں۔
مثلاً طالبان کے لئے فتوحات کی راہ ہموار کرنے میں حامد کرزئی، عبداللہ عبداللہ اور خلیل زاد قابل ذکر ہیں۔ جو ابراز نہیں رہا۔


افغانستان میں عوام اور اُمراء کے درمیان فرق کافی بڑھ گیا تھا! امریکہ کے ٹریلین ڈالرز زیادہ تر امریکہ واپس ہوئے اورباقی افغان وار لارڈز کے جیبوں میں چلے گئے، کابل اور چند شہروں کے علاوہ امریکی امداد افغانستان کے دور درازعلاقوں میں منتقل نہیں ہوئی، افغانوں میں احساس کمتری بڑھتی چلی گئی۔
اشرف غنی صاحب پر اقرباء پروری کے بھی الزامات لگے ہیں اور وار لارڈز اور جہادی رہنماؤں نے اشرف غنی کویرغمال بنائے رکھا، اور طالبان نے اشرف غنی کے خلاف کامیاب پروپیگنڈا مہم چلائی جیسے غازی امان اللہ خان کےخلاف چلائی گئی تھی، اور نتیجہ بھی اس سے مختلف نہیں ہوگا۔

لہذا عوام کے ہاتھ میں موقع آیا کہ طالبان کے ساتھ مل کر سب کچھ لیول کریں، اور لوٹ مار اور اُمراء کے بھاگنےسے جو محل اور دولت طالبان اور عوام کے ہاتھ لگی ہے وہ عوام مال غنیمت سمجھے ہیں! کم از کم فی الوقت! بعد میںآنے والے حالات کس طرف جائیں گے، یہ افغانستان میں کھبی نہیں سوچا گیا! کابل کئی دفعہ اسطرح سقوط کرچکا ہے! شاہ محمود اور شاہ شجاع کے زمانے میں دو دفعہ، امیر دوست محمد خان کے زمانے میں، اور غازی امان اللہ خان کےزمانے میں! اور اب اشرف غنی کے دور میں بھی وہی ہوا! جو افغانستان کا خاصا رہا ہے۔
کھبی پرامن انتقال اقتدار نہیں ہوا، سوائے حامد کرزئی کے، 1801 سے 2021 تک پچیس دفعہ کابل میں تخت دھڑن تختہہوئے ہیں۔

پچھلے بیس سال سے افغانستان میں ایک بھائی طالبان اور دوسرا حکومت میں رہا، ایک قبیلہ حکومت کے ساتھ مل کردوسرے پر سبقت لینے کی کوشش کرتا رہا تو دوسرا رقیب قبیلہ اپنی بقاء اور تحفظ کے لئے طالبان کے ہاں پناہ لینے پرمجبور تھا۔  اسی طرح مذہبی و مسلکی اور نسلی بنیادوں پر افغان معاشرہ کافی تقسیم ہے جو کچھ طالبان اور کچھ مرکزیحکومت کا ساتھ دیتے نظر آتے۔

اب اتنا ہوا ہے کہ دونوں بھائی اور قبیلے جنگ سے تھک گئے ہیں اور کچھ وقت کے لئے (خدا کرے ہمیشہ کےلئے) بظاہر بندوق رکھنے پر راضی نظر آتے ہیں، مگر افغانستان کے حالات کے بارے میں پیشین گوئی کرنا ناممکن ہے، کسیبھی وقت کچھ بھی ہوسکتا ہے۔

طالبان 2001 میں امریکی حملوں کے بعد دور دراز علاقوں میں چھپے رہے اور کئی علاقوں میں کابل کے متوازی حکومتچلاتے رہے، بیس سال میں وہ ایک نئی نسل تیار کرچکے تھے، جس میں پڑوسی ممالک کے مدارس میں پڑھے ہوئےبچوں کی کثیر تعداد موجود قابل ذکر ہے جو طالبان کی فکری اور جہادی پروجیکٹ کامیاب کرنے میں کافی معاون ثابتہوئے، مگر اصل میں امریکہ اور اشرف غنی کی غلط پلاننگ اور اقرباء پروری اور طالبان ہے ساتھ زیادتیاں بھی قابلذکر ہیں جس کا حامد کرزئی نے کئی مرتبہ امریکہ پر کھول کر تنقید کی۔
مگر امریکی انخلاء کے اعلان نے طالبان کے مردہ گھوڑے میں جاں ڈال دی اور خلائی مخلوق کی طرح افغانستان کے ہرگاؤں، ہر شہر اور ہر گلی و کوچے میں اپنے اہلکار بھیجنا شروع کردیئے جنہوں نے “اغیار” بیس سالہ ناکامیوں سے بھرپورفائدہ اُٹھا کر لوگوں کو اپنا ہمنوا بنانے میں کامیاب ہوئے۔
طالبان کے لئے فتوحات کی راہ ہموار کرنے میں حامدکرزئی، عبداللہ عبداللہ اور خلیل زاد قابل ذکر ہیں، اور اس کا ذکرڈیڑھ ماہ پہلے ایک ارٹیکل میں ذکر کیا جا چکا ہے۔

طالبان کے افغانستان پر قبضہ میں پڑوسی ممالک کے مدد بھی شامل حال رہی اور چین ، روس اور ایران سمیتپاکستان کا نام زبان زد عام ہے۔  پاکستان میں پابندی کے شکار صحافی حامد میر نے واشنگٹن پوسٹ میں اپنے کالم میںاس طرف اشارہ کرتے ہوئے لکھاکہ “پچھلی دو دہائیوں میں پاکستانی فوج ، حکومت اور معاشرے میں ایسے عناصرموجود ہیں جو افغان طالبان کو لاجسٹک اور مادی مدد فراہم کرتے ہیں۔ گو کہ حامد میر کے کافی پرانے لنکس اور فوج کےخلاف رائے ہے مگر جن کا ذکر کیا ہے ان کے “ترجمان” ٹی وی چینلز پر اور سوشل میڈیا پر طالبان کے افغانستان پرقبضہ کو فتح مکہ سے تعبیر کرتے نظر آتے ہیں۔ 

میرا خیال ہے پاکستان کو اکیلے مورد الزام ٹہرانا درست نہیں، امریکہ و اتحادی  جو اپنی ناکامی کا اقرار کررہے ہیسمیت افغان افواج، افغان عوام اور غنی حکومت سب برابر ذمہ دار ہیں۔

طالبان نے جیسے ہی امریکی فوجی انخلاء اور ٹرمپ کی طرف سے مذاکرات کی خبر سنی تو افغاستان کے حکمران کےطور پر ردعمل شروع کیا اور سیاسی ٹیم نے قطر کے علاوہ روس، چین، پاکستان سمیت علاقائی ملکوں کے دورے کیئےاور اپنے آپ کو مستقبل کے حکمرانوں کے طور پیش کیا جس کے افغانستان میں زمینی حقائق پر اثرات مرتب ہوناشروع ہوئے، طالبان ہاری ہوئی جنگ بیس سال بعد جیتنا شروع ہوئے، اور جہاں سے امریکی اور نیٹو فوج کا انخلاءہوتا وہاں پہنچ کر قبضہ کرتے، اس قبضے میں بھاری اسلحہ اور ٹینکوں سمیت آمد و رفت کے تمام وسائل شامل ہوتے،جس سے طالبان طاقت پکڑ کر اگلے محاذ کی تیاری کرتے۔ 

طالبان نے سیاسی حکمت عملی اختیار کی، حامد کرزئی اور عبداللہ اور ان کے حامیوں نے افغانستان کے طول عرضمیں طالبان کے لئے سیاسی راہ ہموار کرنے میں معاونت کی، مذہبی جذبات کو ابھارا گیااور جہاں جرگہ ناکام ہو توطالبان نے بندوق کے زور پر اپنا فیصلہ منوایا، جس سے انحراف ناممکن تھا، اس طرح علاقے کے لوگ اور وہاںکے مقامی انتظامیہ ساری طالبان کے ہاتھوں میں چلی جاتی اور افرادی قوت میں خاطر خواہ اضافہ بھی ہوجاتا۔
جوبائیڈن نے جیسے ہی فوجی انخلاء کا اعلان کیا طالبان جو پہلے دور دراز علاقوں میں مصروف تھے بڑے شہروں کیطرف رُخ کیا۔ اور بڑے شہروں اور صوبائی دارالحکومت پر اسی طریقہ واردات پر عمل کرتے ہوئے طالبان ایک بعددیگر شہر قبضہ کرتے رہے اور اپنے جنگجو نہایت سرعت کے ساتھ منتقل کرتے رہے، جبکہ مقامی لوگ، انتظامیہ اورافغان فوج کے اہلکار جوق در جوق طالبان کے صفوں میں شامل ہوتے رہے، جس سے طالبان اس قابل ہوئے کہصرف 9 دن میں پنجشیر کے علاوہ پورے افغانستان پر قبضہ کرنے میں کامیاب ہوئے۔ 

طالبان نے مذہبی۔سیاسی۔ملٹری تینوں آپشن بیک وقت استعمال کئے، کسی کو تبلیغ، سیاسی اُمراء کو حامد کرزئی اورعبداللہ عبداللہ کے مصلحت کے ذریعے اور جو لڑنا چاہتے تھے انکو امریکی اسلحہ کے ذریعے زیر کیا۔

افغان طالبان نے 6 اگست 2021 کو دور دراز ایران بارڈر پر نیمروز صوبے سے فتوحات کاآغاز کیا اور صرف نو دن میںپنجشیر کے علاوہ پورے افغانستان پر قبضہ کرلیا ہے، جس میں ہرات، کندھار، لشکر گاہ اور مزارشریف جیسے بڑے اوراہم شہر شامل تھے یہ معجزہ 14 اگست یعنی یومِ آزادی پاکستان  کے دن ہوا اور پھر کابل پر ہر طرف سے حملہ آورہوئے ہیں۔ اشرف غنی حکومت کے سارے صوبائی گونر اور فوجی دستے کور کمانڈرز سمیت طالبان کے سامنے سرنڈرکرگئے اور ازبکستان اور ایران کی طرف نکل کر جان بچاتے رہے، طالبان بھارت کے یوم آزادی کے دن کابل میںداخل ہوگئے۔


سقوطِ کابل

سقوطِ  افغانستان 


کابل پر طالبان قبضہ سے ایک دن پہلے وزیر دفاع جنرل بسم اللہ محمدی نےکہا ہےکہ افغان فورسز کابل کے دفاع کےلیے پُرعزم ہیں ، غیر ملکی افواج افغان فوج کی ہر طرح سے مدد کے لیے تیار ہیں ۔ عین اسی وقت افغانستان کےدارالحکومت کابل کے صدراتی محل “ارگ” میں اشرف غنی امریکی نمائیندے زلمئ خلیلزاد سے ایمرجنسی میٹنگ کررہےتھے، تو لگ رہا تھا کہ اشرف غنی کو استعفی پر راضی کیا جارہا ہے، مگر وہ دراصل جان بچانے یا بقول اشرف غنیصاحب خونریزی سے بچنے کے لئے کابل چھوڑنے کی تیار کررہے تھے۔
سابق صدر حامدکرزئی، مصالحتی کمیشن کے سربراہ عبداللہ عبداللہ اور جہادی لیڈر گلبدین حکمتیار پر مشتمل تین رکنی کمیٹیعارضی حکومت اور انتقال اقتدار کی تیار کررہے تھے کہ اشرف غنی کابل سے اپنے قریبی ساتھیوں سمیت نامعلوممقام کی طرف پرواز کرگئے, جس سے طالبان کو کابل پر حملہ کے لئے مناسب جواز فراہم ہوا، حالانکہ طالبان نے کہاتھا کہ کابل پر حملہ نہیں کیا جائے گا! مگر وہ تو ہرات و کندہار پر بھی حملہ نہیں کرنا چاہتے تھے؟ جواز پیدا کرنے کے لئےخلائی مخلوق نے بہترین اور منظم منصوبہ بندی کی تھی، طالبان اور جہادی پروجیکٹ کے ڈائیریکٹرز اب کابل میں اقتدارتبدیل کرنے کے اتنے ماہر ہوچکے ہیں کہ کسی کو ملوث ہونے کا شک و شبہہ بھی نہیں ہوتا! یہ تو ڈائیریکٹرز کو لگتا ہے مگرپتہ سب کو ہوتا ہے۔

افغانستان کے صدر اشرف غنی وزارت دفاع میں اہم میٹنگ کا کہہ کر ہیلی کاپٹر میں سوار ہوئے اہل خانہ اور قریبی ساتھیوں کے ساتھ ملک چھوڑ کر چلے گئے، جس کے بعد کابل میں خوف و ہراس پھیل گیا اور طالبان قیادت نے اپنےجنگجوؤں کو دارالحکومت کابل میں داخل ہونے کی اجازت دے دی جبکہ افغان اور غیر ملکی شہری جان بچانے کےواسطے کابل ائیرپورٹ کی طرف بھاگنے لگے۔

Kabul airpor


طالبان ہر طرف سے کابل کی طرف اُمڈ آئے اور یہ سلسلہ ابھی تاک جاری ہے، مگر خدا کا شکر ہے کہ سب معاملات“منصوبے” کے مطابق طے ہوئے اور بغیر خونریزی کے طالبان نے بیس سال بعد کابل پر دوبارہ قبضہ کیا، صدارتی محلجا کر اپنا سفید جھنڈا لہرایا جس پر کلمہ طیبہ اسود نمایاں لکھا ہے۔
کابل کی کشادہ سڑکیں، جدید پارک، بلند و بانگ بلڈنگ اور جیم اکثر طالبان نے پہلی دفعہ دیکھے لہذا وہ چھوٹے بچوں کیطرح پارکوں میں کھیلتے نظر آئے، اور اپنے لڑکپن کے سارے ارمان پورے کیئے۔

افغان طالبان کے سیاسی ونگ کے سربراہ ملا عبدالغنی برادر اخوند نے کہا ہے طالبان کو جس طرح کامیابی ملی اس کاگمان بھی نہ تھا۔ اللہ تعالیٰ کی مدد سے فتح ملی۔ دراصل طالبان نے امریکی انخلاء کے خلاء کو پُر کیا ہے۔ اور اس خلاءکو نہایت سرعت سے پیدا کیاگیا ہے، جس کو اب منصوبہ ساز بھی سمجھ نہیں پارہے۔ اصل میں برطانیہ اور شاہ شجاعکے ساتھ پہلی اینگلو افغان وار 43-1842 میں جو ہوا تھا وہی تاریخ دہرائی گئی ہے، یہ الگ بات ہے کہ امریکیوںفوجیوں کو وہ قیمت نہیں ادا کرنی پڑ رہی جو برطانوی فوج کو ادا کرنی پڑی تھی، اور اشرف غنی نے بھی اپنے آپ کوشاہ شجاع یا ڈاکٹر نجیب بننے سے بچایا! جس کا اظہار انہوں نے ابوظہبی سے اپنے خطاب میں کیا ہے۔ مگر طالبان نےسقاؤسٹ کی طرح کابل پر چھڑھائی کی ہے۔

امریکی صدر جوبائیڈن نے کہا کہ ہمیں افغان آرمی کی اتنی جلدی ہتھیار ڈالنے کی توقع نہیں تھی۔ اورجو لڑائی افغان فوجنہیں لڑنا چاہتی وہ امریکی فوج کیوں لڑے؟

صرف ڈیڑھ مہینہ پہلے افغاستان کے حالات پر لکھا تھا جب افغان صدر اشرف غنی امریکہ کے دورے پر جانے والےتھے! کہ ““اس ساری صورتحال میں اشرف غنی امریکہ کا دورہ کررہے ہیں اور سفارتی ذرائع کا کہنا ہے کہ اشرف غنیکو استعفٰی دینے پر راضی کیا جاسکتا ہے تاکہ طالبان کو قومی حکومت میں شامل ہونے پر راضی کیا جاسکے۔
مگر طالبان جاتے ہوئے امریکہ سے مذاکرات اور امریکہ کے کٹھ پتلی اشرف غنی کے ساتھ بیٹھ کر قومی حکومت میں کوئیدلچسپی نہیں رکھتے اور اشرف غنی نے بھی ایک ٹی وی انٹرویو میں ڈاکٹر نجیب اللہ پر طنز کرتے ہوئے کہا کہ ’ڈاکٹرنجیب نے استعفی دے کر غلطی کی تھی، میں وہ غلطی نہیں دہراؤنگا‘ مگر حالات اتنی تیزی سے تبدیل ہورہے ہیں کہ اگربروقت طالبان کی پیش قدمی نہ روکی گئی اور بین الاقوامی مدد نہ کی گئی تو طالبان سالوں کی بجائے مہینوں میں کابل کامحاصرہ کرسکتے ہیں، اور امریکہ بھی جان چکا ہے اسی لئے کابل ہوائی اڈہ ترکی کے حوالے کرنے کا سوچ رہا ہے تاکہبھاگنے کا ایک راستہ تو کھلا رہے””۔

اور جب اشرف غنی امریکہ سے خالی ہاتھ لوٹے تو پھر ایک ارٹیکل میں تفصیل سے حالات کی منظر کشی کی تھی۔
افغانستان کے ڈھائی سو سالہ تاریخ پر نظر دوڑائیں تو موجودہ صورتحال کا بخوبی اندازہ لگایا جا سکتا تھا۔ افغان قبائیلیسسٹم، اتھنک سسٹم، افغان عوام میں اغیار کے خلاف نفرت اور محبت دونوں ذہن میں رکھتے ہوئے افغان طالبانکی اسلامی نیچر اور بلوؤں کا طریقہ واردات سب سامنے رکھتے ہوئے کابل پر طالبان کا قبضہ دیوار پر لکھا تھا۔

افغانستان کے قائم مقام وزیر دفاع جنرل بسم اللہ محمدی اچانک ملک سے فرار ہونے پر افغان صدر اشرف غنی پربرس پڑے۔ جنرل بسم اللہ محمدی نے افغان صدر پر تنقید کرتے ہوئے کہا کہ ‘اس نے ہمارے ہاتھ ہماری پیٹھ کےپیچھے باندھے اور وطن کو بیچ دیا ، غنی اور اس کے گروہ پر لعنت ہو’۔

جبکہ اشرف غنی کی حکومت کی وزیرِ تعلیم رنگینہ حمیدی کا کہنا ہے کہ مجھے صدمہ پہنچا ہے اور یقین نہیں آ رہا۔’ انھیںصدر غنی سے ایسے ملک چھوڑ جانے کی توقع نہیں تھی۔


ماضی کی کچھ یادیں

مگر افغانستان (کابل و کندھار، غزنی و جلال آباد) ماضی میں کئی دفعہ روندا گیا، شاہ محمود، شاہ زمان، شاہ شجاع اوردوست محمد خان کے بھائیو ں نے 1801, 1809 1818، 1837 میں کابل پر حملے کرکے قبضہ کیا مگر طالبان سٹائل قبضہ1929 میں حبیب اللہ خان کلکانی نے (بچہ سقہ) بالکل طالبان سٹائل کابل کا محاصرہ کیا اور غازی امان اللہ خان کوبادشاہت سے فارغ کرکے بیرونی ملک رہنے پر مجبور کیا جو باہر ہی وفات ہوئے، اور جنازہ واپس لاکر جلال آباد میںدفنایا! پھر صرف دس ماہ بعد نادر خان درانی (نادر شاہ) نے بیرون ملک سے اگر حبیب اللہ کلکانی کا قلع کرنے کے لئےکابل پر ہر طرف سے حملہ کیا اور بچہ سقہ کو اقتدار سے باہر کرکے پھانسی دی، خود بادشاہ بن گئے۔ نادر شاہ ظاہر شاہ کےوالد تھے۔

برطانوی فوج کے ساتھ امریکیوں سے زیادہ برا ہوا تھا جب غازی اکبر خان نے کابل سے لے کر تورخم تک 16 ہزارفوج میں سے صرف ایک ڈاکٹر کو شاید یہ میسیج پہنچانے کے لئے چھوڑا تھا کہ جاؤ اور انہیں خبر کردو کہ 16 ہزار برطانویاور لگ بھگ 30 ہزار ہندوستانی فوج تقریباً ساری افغانیوں کے ہاتھوں مارے گئے ہیں۔ یہ 42-1843 کی بات ہے۔مگر نہ افغانوں سے سبق سیکھا نہ مغرب اور روسیوں نے!

امیر دوست محمد خان نے اس وقت برطانوی جنرل سے کہا تھا کہ افغانستان میں صرف پہاڑ و پتھر ہیں اور آدمی ہیں! آپ یہاں کرنے آتے ہیں؟

پھر بھی روس 1979 افغانستان پر حملہ آور ہوا، جہادی قوتوں جس کو امریکی و اتحادی سپورٹ حاصل تھی کے ہاتھوذلیل و رسوا ہوکر 1989 میں واپس ہوا اور اپنی دنیاوی عزت کے ساتھ سوپرُپاؤر بھی گنوا بیٹھے!! اور 90s میں گلبدینحکمتیار کی کابل پر بمباری کھبی نہیں بولنا چاہیے جس نے کابل کو کھنڈرات میں تبدیل کیا تھا۔ اس لئے روس امریکہ کیافغانستان میں شکست پر خوش ہو کر بدلے کی آگ بجھا رہے ہیں اور طالبان کے لئے نرم گوشہ رکھتے ہیں۔روس کےافغانستان کے لئے خصوصی نمائیندے ضمیر کابلوف کے بیانات سب کے سامنے ہیں۔

برطانوی اور روسیوں سے کسی نے کوئی سبق نہیں سیکھا اور ایک بار پھر 2001 میں امریکہ اور بار نیٹو انہی مجاہدین کےخلاف اعلان جنگ کرتے ہوئے افغانستان میں کود پڑے جو انہوں روس کے خلاف بنائے تھے، بیس سال بعد 2021 میں امریکہ اور نیٹو نے افغانستان انہی طالبان کے حوالے کرکے اپنا بوریا بستر لپیٹ کر واپس بھاگ رہے ہیں اورہزاروں افواج کابل کے حامد کرزئی انٹرنیشل ائیرپورٹ انخلاء کے لئے پریشان ہیں کہ زندہ واپس بھی ہونگے یا پہلیاینگلو۔افغان جنگ میں برطانوی افواج کی طرح صفایا کردیا جائے گا؟
مگر طالبان اب کہہ رہے ہیں کہ بدل گئے ہیں اس لئیے بیرونی افواج (اغیار) کو زندہ واپس جانے کی سہولت دستیابہے۔

افغانستان میں اکیسویں صدی میں کو ہورہا ہے وہ ففتھ جنریشن وار کی بہترین مثال ہے، شاید ففتھ جنریشن وار سےبھی کچھ اگے! کسی کو کوئی پتہ نہیں، کہ افغانستان میں کیا ہورہا ہے؟ کون کررہا ہے؟ کل کیا ہوگا؟ مستقل کیا ہے؟امریکہ کے سارے تھینک ٹینکس اور سی آئی اے و ایف بی آئی ناکام ہوئے، بھارت کو کوئی خبر نہیں کہ ان کے ساتھافغانستان میں کیا ہوا! طالبان نے ایران جا کر آگاہ کیا تھا اور اعتماد بھی حاصل کیا تھا، کہ ایران کے مفادات کاخیال رکھا جائے گا، اور طالبان نے ایران کے مفادات کو ابھی تک ہاتھ نہیں لگایا ہے، ظاہر ہے، انقلاب، انقلاب کودیکھ کر رنگ پکڑتا ہے۔

طالبان نے افغانستان پر قبضہ کے بعد کہا ہے کہ افغانستان میں جنگ کا خاتمہ ہوگیا، عالمی برادری کے ساتھ مل کر چلناچاہتے ہیں، طالبان کسی اور ملک کے معاملات میں مداخلت نہیں کریں گے اور چاہتے ہیں کوئی دوسرا ملک بھیہمارے معاملات میں مداخلت نہ کرے۔ افغانستان کا کنٹرول سنبھالنے کے بعد طالبان نے اپنی پہلی نیوز کانفرنس میںطالبان ترجمان ذبیح اللہ مجاہد نے کہا کہ گروپ حکومت بنانے کے لیے متحرک ہو کرکام کر رہا ہے اور اس کا اعلان’مکمل ہونے کے بعد کیا جائے گا’۔

افغانستان میں طالبان اقتدار کے پاکستان پر اثرات

جب بھارت یوم آزادی کا جشن منا رہے تھے تو افغانستان میں ان کے اتحادی افغان طالبان کے سامنے ہتھیار ڈالکر تسلیم ہورہے تھے، بھارت کی چیخیں نکل گئیں، اور پاکستان میں جنرل ر حمید گل کی برسی پر ان کے ہم خیال کابلپر طالبان کے قبضے کا جشن منارہے تھے، تو ظاہر ہے بھارت خلاف اور طالبان کی حامی جذبات پاکستان میں بہ درجہاتمم موجود ہے، لہذا اس حوالے سے پاکستان کے اس طبقے نے طالبان فتح کو خوش آمدید کہا، اور بھارت کو ہر فورمپر آڑے ہاتھوں لیا۔


افغان طالبان کے افغانستان پر قبضہ کے پاکستان پر مضمر اثرات پڑنے والے ہیں، پاکستان میں شریعت کے نفاذ کامطالبہ تو کافی پرانا ہے مگر اس میں جان پڑ گئی ہے اور جمیعت و جماعت کے ساتھ ساتھ تحریک لبیک و دیگر اسلامیسیاسی پارٹی کی لیڈرشپ اور کارکنوں نے افغان طالبان کی فتح کو فتح مکہ سے تشبیہ دی ہے۔ اور پاکستان کےوزیراعظم نے کہا کہ “افغانستان میں غلامی کی زنجیریں ٹوٹ گئیں”۔

ایران انقلاب کے پاکستان پر اثرات تو بہت کم پڑ گئے تھے مگر ایران انقلاب کے بعد پاکستان میں ایران مخالفجذبات ابھر کر سامنے آئے تھے جس کے ردعمل میں سپاہ صحابہ اور لشکر جھنگوی جیسے شدت پسند تنظیمیں معرض وجودمیں لائی گئیں جو آج تک کئی نام بدل کر وہیں موجود ہیں، اور پاکستان آج تک اثرات سے نبرد آزما ہے۔
مگر انقلاب افغانستان کے دور رس نتائج ہونگے۔ پاکستانی طالبان اور افغان طالبان ایک ہی نظریہ کے حامل ہیں اورافغان طالبان کے سپریم لیڈر ہی پاکستانی طالبان کے “سپریم لیڈر” ہیں۔

یہ تو کوئی ڈھکی چھپی بار نہیں رہی کہ امریکہ اور دوست عرب ممالک کے ساتھ مل کر افغانستان میں جہادی پروجیکٹمیں پاکستان کا کلیدی کردار تھا، اور پاکستان نے اس کا خمیازہ بھی بھگتا ہے، مگر حالیہ طالبان فتح کے اثرات مختلفہونگے۔ اس جہادی پروجیکٹ سے سارے ممالک نے فائدہ اُٹھایا اور پاکستان نے نقصان ہی نقصان اُٹھایا ہے اورملک میں ایک ایسی فصل تیار ہوئی ہے جس کو روکنا تو مشکل بلکہ ناممکن لہذا انہیں “مین سٹریمنگ” کے نام پر اداروںمیں ضم کیا جارہا ہے، جس سے اداروں ان کی جڑیں راسخ ہوچکی ہیں، جس کا انجام نہایت عبرت ناک ہوسکتا ہے۔دہشتگرد اور کالعدم سپاہ صحابہ کے ممبر صوبائی اسمبلی پنجاب کے نصاب کمیٹی کے رکن ہیں، اسی طرح خیبر پختونخواہنصاب کمیٹی میں بھی سپاہ صحابہ (جو اب دوسرے کئی ناموں سے آپریٹ کرتے ہیں) کی “مہارت” سے فائدہ اُٹھایا گیاہے لہذا ایک نظام نصاب تیار ہوا ہے جس سے پاکستان بھر کے سرکاری سکول دینی مدارس میں تبدیل ہوتے نظرآئیں گے، اور جو کھیپ تیار ہوگی وہ افغان جہادی پروجیکٹ سے زیادہ خطرناک ہے۔ یہ ایک مثال ہے، باقی پولیساور ہر ادارے میں “مین سٹریمنگ” کے نام پر شدت پسندوں کو “ایڈجسٹ” کیا جارہا ہے۔

پاکستان کے وزیر داخلہ اور وزیراعظم مان چکے ہیں کہ پاکستان میں افغان طالبان کے گھر اور اہل خانہ موجود ہیں، مگرمعاملات اس سے بڑھ کر ہیں۔ جنرل ر شاہد عزیز اس وقت کہاں ہیں یہ بات چھوڑیں، جنرل ر خالد لودھی، جنرل رشعیب، جنرل ر اعجاز اور بریگیڈئیر فاروق حمید سمیت اس قبیلے کے دفاعی تجزیہ نگار اور اوریا مقبول جان،انصارعباسی، عمران ریاض جیسے سیاسی “داعشور” طالبان کے ترجمان زیادہ نظر آتے ہیں، جس سے پاکستان میں “جہادیمائنڈ سیٹ” کو تقویت مل رہی ہے۔

پاکستان میں افغان طالبان کی فتح پر جشن منانے والوں کے علم میں ہے کہ پاکستانی طالبان کے سارے اڈے افغانطالبان کے زیراثر افغانستان میں موجود تھے اور وہ وہیں سے پاکستان کے خلاف کارروائیاں کرتے رہے ہیں، جس میںآرمی پبلک سکول کے ڈیڑھ سو معصوم طلباء پر حملہ سمیت ہزاروں دہشتگرد کاروائیاں شامل ہیں، جس میں پاک فوجکے اہلکاروں سمیت ایک لاکھ افراد قتل ہوئے ہیں۔ افغان طالبان نے کھبی پاکستانی طالبان سے لاتعلقی ظاہر نہیں کیہے اور کابل فتح کے بعد محمد مالک کے شو میں ذبیح اللہ مجاہد نے برملا کہا کہ ہم پاکستانی طالبان کو پاکستان کے حوالےنہیں کریں گے، مگر یہ ضرور کہا کہ انہیں افغان سرزمین استعمال نہیں کرنے دیں گے۔


طالبان نے افغانستان فتح کرتے ہوئے سارے جیل توڑ ڈالے ہیں جس سے پاکستان طالبان جو افغان حکومت نےگرفتار کرکے جیلوں میں ڈالے تھے سب رہا کرکے گلوں میں ہار پہنا کر خوش آمدید کہا گیا ہے جس میں مولوی فقیر محمدقابل ذکر ہے جس کے القاعدہ رہنما ایمن الظواہری سے قریبی تعلقات رہے ہیں اور وہ پاکستان کو مطلوب دہشتگردوںمیں سرفہرست ہے۔ اس طرح سینکڑوں پاکستانی طالبان دہشتگرد افغان جیلوں سے رہا ہوچکے ہیں جو پاکستان کےقبائیلی اضلاع کے لئے سنگین خطرہ ہے اور پچھلے دو ہفتوں میں پاکستان میں بلوچستان “داسو” سے لے کر کراچیاورضلع کرم و اورکزئی تک ایک درجن دہشتگرد کاروائیاں ہوئی ہیں، جبکہ گلگت میں طالبان کھلے عام کچہری کرتے نظرآئے ہیں، یہ سب پاکستان کے لئے خطرے کی گھنٹیاں ہیں۔

پاکستان کے اسلامی سیاسی پارٹیوں میں افغان طالبان کے کابل میں اقتدار ملنے سے ایک نیا جوش اور ولولہ پیدا ہواہے اور اس سے بڑھ کر پاکستان میں 80s سے مدارس کا ایک جال بچایا گیا ہے جس میں لاکھوں طالبان افغان طالبانکے اس فتح سے حوصلہ پائیں گے کہ “افغان انقلاب” پاکستان میں بھی امپورٹ کریں۔

مستقبل 

افغاستان میں طالبان اقتدار کے خدوخال ابھی تک ظاہر نہیں ہوئے، مگر امارت اسلامی افغانستان اپنے سفید جھنڈےپر کلمہ اسلام کے ساتھ امیرالمؤمنین اور شوری سیٹ۔اپ کے ساتھ ظہور پزیر ہونے پر اسرار کررہے ہیں جبکہ عوامنے جھنڈا تبدیل کرنے کے خلاف احتجاج کیا ہے جس پر جلال آباد میں طالبان نے فائرنگ کرکے منتشر کردی ہے۔جبکہ احمد شاہ مسعود کے بیٹے اور امراللہ صالح نے مزاحمت کا اعلان کیا ہے جس سے کچھ قوتیں فائدہ اُٹھا سکتے ہیں، مگرطالبان رہنما عبداللہ عبداللہ سے مل کر پنجشیر کو زیر کرنے میں مصروف ہیں۔


طالبان اسرار کررہے ہیں کہ حکومت بنانا انکا حق ہے کیونکہ انہوں قبضہ کیا ہے اور دیگر اقوام کو مناسب نمائیندگی بھیوہ خود دیں گے، جو قبول نہیں کیا جارہا اور زیادہ تر شمالی اتحاد کے لیڈرشپ پاکستان میں بیٹھی ہے، جس میں احمد شاہمحسود کے دو بھائی، ہزارہ رہنما محقق اور کرم خلیلی اور صلاح الدین ربانی اور یونس قانونی شامل ہیں۔
طالبان پاکستان میں موجود شمالی اتحاد کے رہنماؤں کے بارے میں ابھی تک کھول کر کچھ کہا تو نہیں مگر اس پربداعتمادی بڑھ سکتی ہے۔ 

اس میں کوئی شک نہیں کہ افغانستان میں بیس سال بعد ٹریلین ڈالر خرچ کرکے امریکہ و اتحادی تباہ کن شکست سےدوچار ہوئے ہیں اور اہداف حاصل کرنے میں ناکام  ہوئے ہیں۔ کیونکہ طالبان 2001 سے زیادہ طاقتور ہیں اور القاعدہ،داعش کی صورت میں اور زیادہ خطرناک ہے، طالبان داعش کے بطور سیاسی قوت خلاف ہیں ورنہ حالیہ افغانستان پرقبضہ میں پاکستانی دہشتگرد گروہ طالبان (خاص کر کنڑ میں) اور داعش طالبان کے شانہ بشانہ لڑے ہیں۔ ان میں نظریاتیکوئی اختلاف نہیں۔

امریکی صدر جوبائیڈن نے کہا ہے کہ افغانستان سے امریکی فوج کی واپسی کا فیصلہ درست تھا اورجو لڑائی افغان فوجنہیں لڑنا چاہتی وہ امریکی فوج کیوں لڑے؟  جبکہ کونڈولیزا رائس نے کہا کہ طالبان کی ساتویں صدی کی حکومت اورتیس سالہ خانہ جنگی سے ایک مستحکم حکومت تک کا سفر مکمل کرنے کے لیے بیس سال کافی نہیں تھے۔ امریکا نے 20 برسوں کے دوران ایک جدید افغان فوج کھڑی کرنے کے لیے 83 ارب ڈالر خرچ کیے جو پاکستانی روپے میں ایکنیل 35 کھرب 95 ارب 83کروڑ اور 16 لاکھ روپے بنتے ہیں۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s